Është mbyllur në barazim 1-1 sfida mes Uolves dhe Njukastëll, e cila u vendos nga 2 supergola. Fillimisht ishin vendasit që realizuan me anë të sulmuesit Jimenez, i cili me një goditje mjaft të bukur nga jashtë zonës, mposhti portierin kundërshtar.
“Ujqerit” nuk arritën ta mbronin këtë epërsi, teksa në minutën e 89-të, Mërfi, vendosi baraspeshën me një gjuajtje mjeshtërore nga goditja e dënimit, duke sigluar shifrat 1-1.
Me këtë barazim Uolves u ngjit në kuotën e 10-të pikë, ndërkohë që Njukastëlli ka arritur të sigurojë 2 më pak, pra 8 pikë.
