Hap i rëndësishëm në karrierë! Futbollisti i Kombëtares, Endri Çekiçi është zyrtarisht pjesë e Ankaragucu në Superligën turke. Akordi ishte arritur më herët, ndërkohë që ditën e sotme ka ardhur edhe prezantimi i futbollistit pogradecar në klubin verdhezi. Çekiçi mbylli kështu aventurën në kampionatin slloven me skuadrën e Olimpja Ljubjanës, për të nisur një cikël të ri.
Nga shitja e 23-vjeçarit, Olimpja, përfitoi afro 200 mijë euro. Talenti i Kombëtares, e shikon kampionatin turk si një trampolinë, për të arritur në elitën e futbollit europian në një të ardhme jo shumë të largët.
Në 3 javët e para të kampionatit, Anakragucu, ka arritur të sigurojë 1 pikë, duke shënuar vetëm 1 gol. Me afrimin e Çekiçit, cilësitë në repartin ofesniv pritet të rriten. Kujtojmë që pjesë e verdhezinjve është edhe shqiptari i Kosovës, Idriz Voca, i cili iu bashkua turqve në merkaton e verës nga Luzern.
