Ish-lojtari i Skënderbeut, Suad Sahiti ka ndryshuar ekip, teksa ditën e sotme është prezantuar te skuadra nga Bosnjë Hercegovina, HSK Zrinjski.
Sulmuesi 25-vjeçar, i cili sezonin e fundit ishte pjesë e Visla Plok në Poloni, është prezantuar ditën e sotme te Zrinjski. Sahiti shihte si një përforcim i rëndësishëm te skuadra boshnjake, ku shpresojnë t’iu japë një ndihmë të madhe për arritjen e objektivave.
Kujtojmë se Sahiti ishte pjesë e Skënderbeut në sezonin 2017-2018, teksa më pas u largua te skuadra greke e Larisës, për të kaluar më pas te Septemvri i Sofjes në Bullgari dhe sezonin e fundit te Visla.
