Dy raste të dyshimta dhe për t’u diskutuar në ndeshjen mes Apolonisë dhe Bylisit, e cila përfundoi në barazim 2-2.
Në minutën e tetë, Hadroji kroson në zonë nga e djathta, aty ku Murataj në përpjekje për të goditur në portë, pengohet nga ganezi Agyare. Gjyqtari Kola është afër aksionit, por nuk jep penallti. Nga pamjet shihet që Agyare godet Muratajn dhe ishte 11-metërsh.
Në minutën e 72-të ekzekutohet një goditje këndi për Bylisin nga e majta e sulmit ballshiot. Topi shkon në shtyllën e parë, ku Murataj gjuan saktë dhe shënon, por ka një sinjalizim për pozicion të parregullt të kapitenit të Bylisit. Shumë e vështirë për t’u kuptuar sepse mungojnë pamjet e qarta.
