Crystal Palace-Leeds, ndeshje e vlefshme për javën e tetë të Premier League, është mbyllur 3-1 në favor të vendasve pas 45 minutave të para.
Dann ka kaluar në avantazh londinezët në minutën e 12-të me një goditje me kokë. Dhjetë minuta më mbrapa ka ardhur goli i dytë i Palace i realizuar me një super goditje dënimi të Eze.
Reagimi i miqve, të cilëve iu është anuluar një gol për pozicion jashtë loje nga VAR në minutën e 17-të, ka ardhur pesë minuta më mbrapa me Bamford që ka finalizuar me një goditje të bukur një aksion të mrekullueshëm të skuadrës.
Palace ka kthyer avantazhin prej dy golash falë një autogoli të Costa-s, me topin që ka marrë një trajektore të pabesueshme.