Trajneri i Juventus-it, Andrea Pirlo, ka folur në konferencë për Juventus TV në prag të ndeshjes së kampionatit kundër Lazio-s.
– Çfarë ndeshje prisni kundër Lazio-s?
“Do të jetë sigurisht një ndeshje e bukur sepse Lazio-Juventus është një ndeshje e bukur për t’u luajtur. Do të jetë një takim i vështirë, lazio është një skuadër e madhe dhe e ka treguar këtë në vitet e fundit dhe kështu që do të jetë e vështirë, por entuziazmuese”.
– Në çfarë pike është procesi i rritjes i Juventus-it tënd?
“Jemi në ndërtim, por pikët kanë rëndësi dhe ndeshjet janë gjithmonë e më të rëndësishme. Ndeshja e nesërme do të jetë e rëndësishme për renditjen dhe ndërtimin e ekipit dhe do të duhet të luajmë në mënyrën më të mirë të mundshme”.
– Një përshkrim për Morata-n? Merre pjesë shumë në ndërtimin e lojës…
“Unë e njihja si një lojtar të kompletuar dhe jo vetëm në finalizim dhe po e tregon në këto ndeshje. Kemi besuar shumë tek ai kur e kemi marrë dhe besojmë akoma më shumë tani që është në formë”.
– Çfarë do t’ju pëlqente të shihnit nesër?
“Do të më pëlqente të shihja një skuadër të sigurt që të dominojë ndeshjen. Të jetë gjithmonë në pozicionet e duhura në një ndeshje të vështirë si kjo. Mund të jetë një shkallë e bukur për t’u ngjitur”.
– Si është të drejtosh Juventus-in?
“E bukur, entuziazmuese. Kam ardhur pa shumë zhurmë, por jam ndier mirë që nga dita e parë në këtë rol dhe te ky klub. Por jam vetëm në fillim dhe vetëm mund të përmirësohem”.
