Sfida e tretë e Ligës së Europës midis Villarreal dhe Maccabi Tel Avivit është shtyrë me 30 minuta nga UEFA. Shkak janë bërë reshjet e dendura të shiut në stadiumin “Seramika” të klubit spanjoll.
Në njoftimin e publikuar së fundmi të “nëndetëses së verdhë” raportohet se situata do të monitorohet në vjim për të vendosur nëse takimi do të luhet në orën 21:30 apo do të shtyhet për një datë tjetër.
“Për shkak të reshjeve të dendura të shiut, ndeshja e sotme me Makabi Tel Avivin është shtyrë me 30 minuta për t’u luajtur në orën 21:30. Pas pak UEFA do të vendosë nëse ndeshja do të luhet apo do të shtyhet për një ditë tjetër”, shkruhet në njoftimin e Vijarealit.
#UEL | Due to the heavy rainfall, tonight's match against @MaccabiTLVFC has currently been postponed by 30 minutes and will kick off at 9:30pm CET.
Shortly, @UEFAcom will make a decision as to whether the game goes ahead or not today. pic.twitter.com/annoZSg9gu
— Villarreal CF English (@Eng_Villarreal) November 5, 2020
