Kohë kampionatesh! Pasi kombëtaret kanë përdunduar ciklin e tyre të ndeshjeve, tani është koha e turit të forcës.
Trajneri i Juventusit Andrea Pirlo paraqiti ndeshjen e nesërme në orën 20:45 kundër Cagliarit.
Shumë futbollistë bardhezi kanë shkëlqyer me kombëtaret. “Nuk e di nëse është merita jonë, ata janë padyshim lojtarë të fortë. Ndoshta disa kishin luajtur pak më pak kohët e fundit dhe loja për ekipin kombëtar i bëri mirë për të fituar besim dhe ritëm. Ne jemi të lumtur që ata janë kthyer me shumë dëshirë dhe prandaj tani ata janë të gatshëm për të luajtur”.
Çfarë ndeshje prisni kundër Cagliari?
“Për ne është një garë thelbësore. Ne vijmë nga pasiviteti për shkak të ekipeve kombëtare por na duhet për rrugën tonë të rritjes. Tani kampionati ynë duhet të fillojë, periudha e adaptimit ka mbaruar dhe prandaj nga tani deri në Krishtlindje do të kemi dhjetë ndeshje për të luajtur sikur të ishin finale. Duke filluar nga nesër dua të shoh një frymë tjetër, luftarake. Të luajmë me forcë të madhe për të arritur rezultate”.
Çfarë dëshironi të shihni nga lojtarët tuaj në fushë nesër?
“Unë dua të shoh një ekip që dëshiron të arrijë rezultatin në çdo mënyrë, duhet të kemi në mendje urinë për të dëshiruar të fitojmë çdo ndeshje pa lënë pas dore detajet më të vogla. Ajo që ka qenë gjithmonë Juve në këto vite ”.
Si janë Alex Sandro dhe De Ligt? A do t’i shohim ata në fushë nesër?
“Shumë mirë janë të dy. De Ligt stërvitej prej kohësh por tani ka marrë ok nga mjekët”.
Pas dyerve të mbyllura, a është kapërcyer faktori i fushës?
“Po, absolutisht, nuk ka më këtë ndjenjë frike nga ekipet më të vogla për të ardhur për të luajtur në Stadium ose San Siro me publikun kur kishte një atmosferë të shkëlqyeshme me pak presion.
Gjithçka është përmbysur pak, por ne jemi në një periudhë të veçantë dhe jemi mësuar të luajmë këtë lloj lojërash për një kohë”.
Sa krenar jeni për Moratën?
“Ai është një lojtar i fortë, ne e morëm atë për këtë arsye. Tani ai gjithashtu ka rikuperuar besimin dhe vazhdimësinë që i kishte munguar vitet e fundit në Londër dhe Madrid. Ne e dimë vlerën e tij dhe e mbajmë fort dhe e përkëdhelim”.
