Mund të jesh tifoz me një skuadër dhe të luash në formacionin e armikut të përjetshëm?
Çështja për skuadrën e zemrës së lojtarëve ndez shpesh debatet mes tifozëve. Edhe Harry Kane është përfshirë në këtë çështje.
Sulmuesi i Tottenham ka qenë një tifoz i Arsenal-it në fëmijëri. Një prapaskenë që ka dalë gjatë emisionit Good Morning Britain. Gazetari Piers Morgan e ka pyetur:
“Historia me fanellat e futbollit është pak e komplikuar, apo jo? Sepse kur ke qenë fëmijë, siç e dinë të gjithë Topçinjtë, ke qenë një tifoz i Arsenal-it. Çfarë të ka ndodhur Harry Kane?”.
Sulmuesi anglez është përgjigjur: “Kam luajtur për Arsenal-in kur kam qenë më i ri dhe fatkeqësisht për ata më kanë lënë të largohem. Jam te Tottenham që nga mosha 11 vjeç dhe tani po korr frytet”.
