Alessandro Costacurta lartëson Erling Haaland, qendër sulmuesin e Borussia Dortmund. Nga studiot Sky Sport, legjenda e Milanit, vlerëson potencialin e norvegjezit dhe në deklaratën e tij është i bindur për diçka.
“Ai është potencialisht numri 9 më i mirë i dhjetë viteve të ardhshme. Herën e parë që e pashë, dukej si Vieri.
Në fillim ai ishte njësoj si Bobo që ka shënuar qindra gola, por ai më duket edhe më shpejt se ai… “.
Falë dy golave të shënuar në Bruges-Borussia Dortmund, Erling Haaland ka arritur 14 gola të përgjithshëm në Ligën e Kampionëve.
Talentit norvegjez të vitit 2000 iu deshën vetëm 11 ndeshje për të arritur këtë numër.
Askush nuk bëri më mirë se ai, madje as gjigandët Leo Messi dhe Cristiano Ronaldo.