Në orën 15:00, do të startojë sfida Inter-Specia, e vlefshme për javën e 13 të Serisë A italiane.
Interi sot në “Giuseppe Meazza” ndaj Specias kërkon fitoren e 6 rradhazi në kampionat dhe për të shpresuar tek hapi fals i Milanit për t’a parakaluar në krye të klasifikimit.
Zikaltërit e Antonio Kontes nuk do të kenë në dispozicion Sançezin, Naingolan, Vesino dhe Pinamonti për arsye dëmtimi.
Tek Specia pritet t’a nisë titullar sfidën mbrojtësi i Kombëtares shqiptare, Ardian Ismajli, i cili i besohet një ndeshje kaq e rëndësishme në qendër të mbrojtjes.
Gjithashtu në orarin e drekës luhen edhe dy sfida të tjera, Kaljari-Udineze në “Sardegna Arena” dhe Benevento-Xhenoa në stadiumin “Ciro Vigorito”.
FORMACIONET ZYRTARE
INTER – (3-5-2): Handanoviç; Skriniar, De Vraj, A.Bastoni; Hakimi, Barela, Brozoviç, Galiardini, Jang; Lautaro Martinez, Lukaku. Trajner: Antonio Konte.
SPECIA – (4-3-3): Provedel; Vinjali, Ismajli, Terci, S.Bastoni; Dejola, Riçi, Mora; Akampora, Nzola, Giasi. Trajner: Vinçenco Italiano.
