Rachid Alioui është një sulmues maroken që luan në Francë, me Angers.
Në këtë sezon ka zbritur në fushë vetëm një herë, në mesin e tetorit, por klubi nuk ka specifikuar asnjëherë arsyet e mungesës së tij.
Tani, misteri dhe shqetësimi është shtuar nga trajneri Stephane Moulin:
“Është sëmurë rëndë përsëri. Nuk dua të them më shumë, sepse sekreti mjekësor nuk më lejon të them më shumë”, ka thënë trajneri dy ditë para transfertës ndaj Nantes.
Sipas informacioneve të Ouest-France, 28-vjeçari është i shtruar në spital nga mëngjesi i së enjtes.
Alioui ka debutuar me kombëtaren në 2014-ën, me të cilën ka luajtur 10 ndeshje dhe ka shënuar 2 gola. Ndërsa janë 53 golat e shënuar mes Ligue 1 dhe Ligue 2.
