Real Madridi është në krizë rezultatesh. Trajneri Zinedine Zidane është në fije të perit, pasi ekipi po humbet në La Liga, ndërsa rrezikon grupin në Champions League.
Pika e dobët e ekipit ka qenë qendra e mbrojtjes. Sergio Ramos ishte i dëmtuar, ndërsa Varane tregoi se nuk mund të bëjë liderin. Lajmi i mirë është rikthimi i kapitenit në dispozicion.
Ramos doli sot në stërvitje dhe iu bashkua ekipit. Ai duket se e ka lënë pas dëmtimin dhe do të jetë gati për ndeshjen kundër Sevillas.
