Drejtori sportiv i Tiranës, Tefik Osmani, foli para derbit me Partizanin, ku u shpreh optimist për këtë sfidë. Në një lidhje direkte nga “Air Albania” për “Gol pas Goli”, korçari u shpreh:
“ Është një ndeshje që është shumë e lehtë që tani unë jam drejtues. Është shumë e lehtë për trajnerët. 2-3 ditët e fundit mund të ketë ndonjërin që mezi e kap gjumi. Ne nuk kemi pasur rezultatet që i kërkojnë të gjithë, një rezultat i mirë e kthen gjithçka në pozitivitet.
Pse jo të ndodh si sezonin e kaluar. Një fitore në derbi kthen çdo gjë në mbarësi. Morali është i mirë. Ekipi është i plotë, kjo mendoj që ka qenë pak dhimbje koke për trajnerin Dede.
Intervista e fundit para ndeshjes me Kukësin- Do dal me dhunë në intervistë po fituam edhe sot”, u shpreh Osmani.
