Pas tri ndeshjeve pa fitore, pankina e Frenk Lampard po dridhet akoma e më shumë.
Sipas portalit francez “Le10Sport”, pronari i Çelsit, manjati rus Roman Abramoviç po mendon rikthimin tek blutë e Londrës, Andrij Shevçenkon si trajner kësaj here.
Të dy kanë qenë së bashku tek Çelsi në vitin 2006, ku Abramoviç ishte i mahnitur pas paraqitjeve me Milanin ku ukrainasi arriti të fitonte dhe “Topin e Artë” dhe pronari rus nuk u mendua dy herë për t’a bërë për vete sulmuesin ukrainas.
Tashmë rrugët e tyre mund të bashkohen përsëri por kësaj here si një Shevçenko si trajner dhe jo si lojtar.
