Ballkani i Bledi Shkëmbit është duke e kryer fazën përgatitore në Antalia të Turqisë. Krahas stërvitjeve, ekipi nga Suhareka, ka planifikuar edhe disa teste miqësore.
Ditën e sotme, Ballkani i surprizoi të gjithë, teksa arriti të triumfonte kundër ekipit të Superligës polake, Jagiellonia me rezultat 2-1.
Golat e fitores për skuadrën e Shkëmbit, i shënuan mbrojtësit, Armend Thaqi dhe Arbër Prekazi. Kundërshtari i Ballkanit në këtë test miqësor renditet në vendin e shtatë në Superligën e Polonisë me 20 pikë. Ndërsa suharekasit, pozicionohen në vendin e dytë në Superligën e Kosovës me 38 pikë, tri më pak se Drita kryesuese.