Merkato e Milanit vazhdon dhe pasi ka mbyllur e zyrtarizuar Meite, Mandzukic dhe Tomori, duket se nuk do të ndalet në këtë merkato janari. Objektivi i radhës i kuqezinjve është një mbrojtës dhe bëhet fjalë për Kamil Piatkowskin.
Sipas gazetarit polak, Krzysztof Stanowski, kuqezinjtë janë në bisedime të avancuara me klubin e 20-vjeçarit.
Gjigandi i mbrojtjes ka luajtur 19 ndeshje këtë sezon me Rakow dhe falë paraqitjeve të tij pozitive ka tërhequr vëmendjen e disa klubeve.
Sipas asaj që mësohet marrëveshja mund të konkretizohet për shumën e 5 milionë eurove.
Pritet që ditën e mërkurë të zhvillohet një takim vendimatr mes drejtuesve dhe nëse goditja nuk finalizohet atë ditë, atëherë klubet e tjera mund të futen në garë për shërbimet e të riut.
