Tirana ka përdoruar gjatë gjithë sezonit të vjetshëm, kur edhe u shpall kampione, metodën e shpërblimit të futbollistëve. Sidomos kur përballjet janë vendimtare apo me rivalë direkt. Njësoj siç ndodh me ndeshjen derbi. Gazeta ka mësuar se edhe në rast triumfi për këtë sfidë, bardheblutë do të kenë një shpërblim të majmë.
Mësohet se pritet që në rast fitoreje me Partizanin, shpërblimi të jetë deri në 10 milionë lekë (të vjetër) nga drejtuesit e klubit kryeqytetas. Klubi është duke sakrifikuar edhe në merkato me afrime lojtarësh apo edhe me pagesën për çështjen “Cise”, pavarësisht se ishte vetëm palë e tretë në konflikt.
