Menaxheri i Kristiano Ronaldos, Horge Mendes po tenton të sistemojë njërin prej klientëve të tij, teknikun e Ulvëruemptonit, Nuno Espirito. Sipas “The Sun”, supermenaxheri ka diskutuar disa kohë më parë me Arsenalin rreth zëvendësimit të trajnerit aktual Mikel Arteta me atë të “ujqërve”.
Por, 3 fitoret radhazi në Premier Ligë dhe kalimi në 1/16-at e FA Cup kanë ulur trysninë ndaj teknikut spanjoll duke bërë që përkohësisht të shuhen disi thashethemet rreth shkarkimit të tij.
Megjithatë, Mendes po vëzhgon dhe situatën e trajnerit të Çelsit, Frenk Lampard, i cili ndodhet nën presion të madh për shkak të rezultateve negative këtë periudhë dhe trajneri i Ulvëruemptonit do t’i sugjerohet në çdo moment “Bluve”.
