Ka qenë Ivan Perisiç protagonisti i programit të ndeshjes Inter-Benvento, e para e fazës së dytë të Serisë A që do të luhet sot në 20:45 në “San Siro”. Niset nga një kujtim i francezit:
“Shkëmbeva fanellën time të parë në kohën e Sosho me Karim Zianin, mesfushorin që kishte luajtur me mua në klubin francez dhe që takova sërish në fushë pasi ishte transferuar tek Olimpiku i Marsejës dhe u sfiduam si kundërshtarë”.
LEBRON XHEJMS
Nëse mendoj për basketbollin, mendoj për të. Është një lider në fushë dhe di të bëjë gjithçka, është e rëndësishme për gjithë klubet ku kam luajtur dhe ka bërë historinë e këtij sporti.
MBROJTËSI MË I FORTË?
Në karrierën time jam ndeshur me shumë të tillë, mes të cilëve ai që më ka befasuar më shumë është Serxho Ramos.
KOHA E LIRË
Më pëlqen të dëgjoj muzikën dhe dëgjoj zhanër të ndryshëm: nga “R’n’B” te muzika kroate. Në makinë dëgjoj radion ose vendos listën time të preferuar të këngëve.
ORIGJINA
Nëse mendoj, gjërat e para që më vijnë në mendje janë makaronat me ragu që më përgatiste gjyshja ime, stadiumi i Poljud dhe deti.
PESË MË TË MIRËT E HISTORISË SË INTERIT…
Zhulio Sezar në portë ka bërë historinë e këtij klubi. Samuel sepse është një nga ata lojtarë që nevojiten për të fituar. Eto: sakrificë dhe talent, ishte një kampion. Stankoviç lojtar i kompletuar që ka shënuar gola të mrekullueshëm. Ronaldo, një nga më të fortët e gjithë kohërave.
