Lajme të këqija vijnë për Ivan Xhenaro Gatuzon, i cili do të bëjë pa Fabian Ruiz për sfidën ndaj Fiorentinës e cila është e programuar të zhvillohet nesër në orarin e mesditës në stadiumin “Diego Armando Maradona”.
Mesfushori spanjoll ka rezultuar pozitiv me koronavirus pas tamponëve të kryer mëngjesin e sotëm nga klubi napoletan.
Këtë lajm e ka bërë publike, klubi nga Kampanja me anë të një komunikate zyrtare e cila tregon se Fabian Ruiz është vetë-karantinuar:
“Të gjithë negativ me COVID-19 pas tamponëve të kryera këtë mëngjes, përveç Fabian Ruizit.
Futbollisti spanjoll ka rezultuar pozitiv dhe do të ndiqet me kujdes në periudhën e izolimit në banesën e tij.”, përfundoi komunikatën klubi i Napolit.