Portieri Tomas Strakosha dhe sulmuesi Sindrit Guri do të kenë fate të ndryshme për thuajse të njëjtin dëmtim në gju. Sulmuesi i Ostendes i është nënshtruar një ndërhyrjeje kirurgjikale në gju, rikuperimi prej së cilës do të kërkojë të paktën 4 muaj.
Kësisoj, ky sezon është thuajse i përfunduar për sulmuesin, që kohët e fundit ka qenë larg shkëlqimit dhe ky dëmtim mund të jetë një goditje finale për aventurën me skuadrën e Ostendes.
Mirëpo, së fundmi sulmuesi shqiptar ka marrë një gjest fantastik nga shokët e skuadrës së tij. Sakala Feshion ka shënuar dopietë në barazimin 2-2 të Ostendes ndaj Standart Liezhit.
Në të dy festimet e golave, ai ka bërë gjestin e dedikimit me fanellën e Gurit. “Sindriti është miku im dhe për fat të keq iu nënshtrua një operacioni në gju, ndaj ia kam dedikuar dy golat e mi. Kalojmë shumë kohë bashkë, më ka inkurajuar shumë dhe ndihmuar shumë ndaj mendova të bëja këtë dedikim për të. Besoja që mund të shënoja në këtë ndeshje dhe kërkova bluzën e tij që ta kisha në stol”, tha sulmuesi 23-vjeçar.
