Përgatitjet janë duke u zhvilluar për Festivalin Sanremo 2021. Në kastin fiks të edicionit të 71-të do të jetë edhe Zlatan Ibrahimovic. Një zgjedhje e papritur, ajo e drejtorit artistik, Amadeus, e cila tashmë po shkakton shumë diskutime.
Çfarë do të bëjë lojtari i Milanit në skenën e Ariston? Thashethemet e fundit vijnë nga e përjavshmja “Chi”. Sipas kësaj reviste, Ibrahimovic ka nënshkruar kontratën për Sanremo më 30 dhjetor. Ka shumë të ngjarë që ai të mos jetë i pranishëm në episodin e dytë të eventit të madh muzikor, që do të transmetohet në “Rai Uno” të mërkurën e 3 marsit. Atë ditë, Ibra duhet të respektojë angazhimet e tij me Milanin dhe të luajë ndeshjen kundër Udinese. Prandaj, duket se 39-vjeçari do të jetë i pranishëm në Sanremo vetëm katër netë nga pesë në total.
Gjithashtu sipas “Chi”, Zlatan Ibrahimovic duhet të veshë në Festivalin e Sanremos vetëm dhe ekskluzivisht kostume të nënshkruara nga “Dsquared2”. Një vendim që nuk është shumë befasues. Sulmuesi suedez tashmë është dëshmi e markës së krijuar nga vëllezërit kanadezë Dean & Dan.
Çfarë do të bëjë ai në skenën e Ariston? Me sa duket, showman-in. Ibra do të qeshë me veten dhe karakterin e tij (dhe imitimet e tij) në sintoni me Fiorello dhe Amadeus. Në këtë drejtim, ditët e fundit, shpërblimi i pretenduar i Ibrahimovic ka dalë në rrjet. Bazuar në atë që ka shkruar gazetari Gabriele Parpiglia, bomberi kuqezi duhet të marrë 50 mijë euro për mbrëmje, e njëjta tarifë që duhet të përfitojë edhe Fiorello.
