Edhe pse merkatoja është mbyllur në Shqipëri, në disa vende të tjera vazhdon të jetë e hapur.
Te Partizani në “ajër” janë disa futbollistë, që kanë oferta në tavolinë. Jasir Asani është një emër gjithmonë i përmendur kur flitet për merkato dhe oferta nga Dubai është ende aktive. Merkato në Dubai mbyllet ditën e nesërme. Edhe për Rron Brojën, ka interes nga Hungaria, me ekipin e MOL Fehervar që e do në ekip.
Në Hungari, merkato mbyllet me datë 12 janar dhe deri më atëherë, situata është e paqartë. Një tjetër “firo” nga Partizani, mund të jetë ajo e Lukas Kardozos. Sa i takon sulmuesit brazilian, ai e ka humbur vendin në formacionin titullar dhe për këtë gjë preferon të ndryshojë ambient.