Mesfushori i talentuar Elvis Rexhbecaj po bën mjaft mirë këtë sezon me Këlnin në Bundesligë. Futbollistit në pronësi të Volfsburgut realizoi në sfidën e sotme dopietë ndaj Borusia Mynshenglabahut, ku rezultati i takimit është 1-2 për Këlnin.
Edhe pse pozicioni i tij natyral është mesfushor qendre, Rexhbecaj ka zhvilluar një sezon mbresëlënës me Këlnin. Në 22 takime të këtij edicioni, ai ka realizuar 7 gola dhe 3 asiste.
Ai mban nënshtetësinë kosovare dhe gjermane. Federata e Kosovës i ka ofruar mundësinë për të luajtur me “Dardanët”, por Rexhbecaj ende nuk ka vendosur se kë shtet do të përfaqësojë.
