Arsenal është mundur 2-1 nga Wolves në javën e 22-të të Premier League.
Një humbje që ka ardhur me përmbysje për Topçinjtë, që e kanë nisur ndeshjen në Molineux Stadium me një gol të Saka në minutën e 9-të, por që është anuluar nga VAR.
Ka qenë i rregullt goli i shënuar nga Pepe në të 32-ën, me yllin e Topçinjve që ka realizuar me një goditje magjike pas një aksioni individual spektakolar.
Problemet kanë filluar për londinezët në fundin e pjesës së parë, kur Luiz është ndëshkuar me karton të kuq për një ndërhyrje të parregullt në zonën e rreptësisë.
Te pika e bardhë është paraqitur Neves, i cili nuk ka gabuar.
Në minutën e 49-të ka ardhur përmbysje e vendasve me një gol të mrekullueshëm të Moutinho-s. Ndeshja është mbyllur përfundimisht kur ekipi i Arteta-s ka mbetur me 9 lojtarë pas kartonit të kuq të marrë nga Leno.
Gjermani është bërë portieri i dytë i Arsenal që ndëshkohet me karton të kuq në një ndeshje të Premier League pas Dabid Seaman në 1993-shin.
