Një ndër lojtarët më të mirë dhe më të dashur për tifozët e Bayern Munchen është padyshim Joshua Kimmich. Mesfushori shihet si kapiteni i të ardhmes për bavarezët, por edhe për Kombëtaren Gjermane.
Kimmich ka dhënë një intervistë së fundmi për “Bild”, ku ka zbuluar edhe shembullin e tij në futboll. Gjermani ka rrëfyer se Xavi Hernandez ka qenë lojtari i tij i preferuar dhe një model për të. Gjithashtu, ylli i Bayern tregon se me ish-kapitenin e Barcelonës është takuar në vitin 2019 në Katar.
“Xavi Hernandez ka qenë gjithmonë modeli im, që në kohën kur luante te Barcelona. Gjithmonë kam dashur të marr shembull nga ai. E kam takuar Xavin në vitin 2019 në Katar. Ishte një momënt vërtet i veçantë për mua”, përfundon Kimmich.
