Manchester City ka mundur 2-0 Borussia Monchengladbach në ndeshjen e kthimit të 1/8-ave të Champions League me rezultatin e përgjithshëm 4-0.
Takimi i luajtur mbrëmjen e sotme në Etihad është vendosur në 18 minutat e para. De Bruyne ka hapur sfidën me një super gol në minutën e 12-të dhe Gundogan e ka mbyllur në të 18-ën.
Ilkay Gundogan është golashënuesi më i mirë i City-t në këtë sezon me 15 realizime dhe lojtari gjerman me më shumë gola të shënuar në këtë sezon në pesë kampionatet kryesore të Europës.
Qytetarët kanë realizuar 100 gola në tetë sezonet e fundit, vetëm Manchester United (9 sezone mes 2004-05 dhe 2012-13) ka patur një ecuri më të gjatë me 100 ose më shumë gola të shënuar në sezone të njëpasnjëshëm nga skuadrat e Premier League.
