Kombëtarja shqiptare merr një lajm të keq në prag të sfidës së vështirë për “Tre Luanët”. Edhe Roma ndihet e shqetësuar për kushtet e Marash Kumbullës. Mbrojtësi kuqezi pësoi një dëmtim në menisk, ndërsa luante ndaj Andorrës. 21-vjeçari tashmë mund të kthehet në kryeqytetin italian nesër, për t’iu nënshtruar testeve instrumentale në “Villa Stuart”, të cilat do të verifikojnë shkallën e dëmtimit.
Mediat italiane, duke iu referuar lajmeve nga Shqipëria, nuk janë optimiste për kushtet e Kumbullës, i cili mund të mbetet jashtë fushave për disa javë. Një mungesë e rëndë për trajnerin Edy Reja, referuar ndeshjes kualifikuese të 28 marsit me Anglinë, por edhe për Romën e Fonseca, që po lufton në kampionatin italian për vendin e katërt dhe do të përballet me Ajax në çerekfinalet e “Europa League”, brenda dhjetë ditësh.
