Mançester Junajtid u kualifikua mbrëmjen e djeshme ndaj Milanit në një ndeshje delikate në Ligën e Europës, duke arritur të fitojë në “San Siro” me rezultatin e ngushtë 0-1.
Ky rezultat nuk është përtypur dot nga trajneri i kuqezinjve, Stefano Pioli, i cili pas ndeshjes është bërë protagonist duke shkaktuar një episod aspak të këndshëm.
Pas vërshëllimës së arbitrit, trajneri i Junajtid, Solskjaer mendohet ti jetë drejtuar trajnerit italian me fjalët “jeni një ekip i mirë’’. Italiani si duket i nervozuar nga eliminimi i skuadrës së tij, i është kthyer më fjalët “Çfarë lesh ekipi i mirë, ore gomar, ekip i mirë është motra jote”.
Fjalë të rënda këto dalë nga goja e trajnerit të Milanit, por mediat angleze si duket kanë zbuluar se këto fjalë i janë drejtuar ndihmës trajnerit të Mançester Junajtid, Kieran Mekena dhe jo Solskjaerit. Video është bërë hit në internet ku nuk kanë munguar dhe kritikat ndaj numrit një të kuqezinjve.
Lacrimo pic.twitter.com/mDBOiW6fln
— Danilo Vitro' 🔴⚫️ (@DVACMILAN) March 18, 2021
