Do të luhet duke filluar nga ora 16:00, ndeshja mes Laçit dhe Kukësit, e vlefshme për javën e 22-të në Kategorinë Superiore.
Pritet një sfidë e luftuar nga të dyja ekipet, që do të kërkojnë të marrin maksimumin nga sfida e sotme, edhe për objektivat që kanë. Laçi kërkon të përfitojë nga ndalesa e Partizanit, por edhe nga njëra prej skuadrave mes Vllaznisë dhe Teutës, që luajnë mes tyre.
Duro do të kërkojë me çdo kusht fitoren, pasi do i afronte më shumë më vendin e parë. Megjithatë nuk do to të jetë aspak e lehtë, pasi përballë është Kukësi, që pavarësisht se nuk ka bërë një sezon të shkëlqyer, me skuadrat pretendente është shfaqur ndryshe.
FORMACIONET ZYRTARE:
Kukësi: Xhika, Kotobelli, Lulaj, Kurdiç, Dragoshi, Demiri, Taipi, Baravikas, Leira, Mate, Eze. Trajner: M. Josa.
Laçi: Sherri, Ignjatoviç, Malota, Obanor, Musta, Shehu, Lushkja, Deliu, Marku, Xhixha, Harmon. Trajner: Sh. Duro.
