Ndeshja e Ligës së Parë turke, Ankaraspor-Boluspor, u mbyll me fitoren e miqve me rezultatin 1-2.
Protagonist i ndeshjes ishte portieri shqiptar, Gentian Selamni, i cili aktivizohet me skuadrën e Bolusporit.
Gardiani zhvilloi një paraqitje fantastike duke i dhenë 3 pikët ekipit me pritjet e tij. 23-vjeçari u transferua në merkaton e janarit nga ekipi i Menemensporit, dhe ditën e sotme u shpall lojtari më i mirë i ndeshjes me notën 9.3 nga faqja e specializuar e statistikave “SofaScore”. Një notë shumë e lartë kjo për një portier por paraqitja e tij dinjitoze është vlerësuar.
Vlen të theksohet se Selmani është grumbulluar nga trajneri Reja për 3 sfidat e muajit mars.
