Zinedine Zidane, trajneri i Real Madrid, ka analizuar fitoren 3-1 të marrë në fushën e Celta Vigo-s.
“Ka qenë një ndeshje e plotë, e interpretuar shumë mirë. E kemi nisur shumë mirë me zotërimin e topit: i vetmi mëkat ka qenë goli i pësuar pak para fundit të pjesës së parë”, ka thënë trajneri francez.
“Më pas kemi vuajtur pak më shumë në pjesën e dytë, por e kemi merituar fitoren. Është shumë e rëndësishme të vazhdojmë në këtë rrugë”.
“Benzema? Për ata që e pëlqejnë futbollin, të shikosh Karim është një luks”.
