Para disa ditësh, ish-legjenda holandeze, Marko Van Basten, u shpreh se tituli i fituar nga Napoli në vitin 1990 ishte një titull i fituar me hile nga napoletanët.
Kjo deklaratë ka prekur djalin e Maradonës, Maradona Xhunior, i cili ka dalë në mbrojtje të ekipit të babait të tij, pasi legjenda argjentinase ka udhëhequr napoletanët në fitimin e titullit po atë vit.
Maradona Xhunior i ktheu përgjigje holandezit në një lidhje direkte në emisionin italian të futbollit “Tiki-Taka”, duke u shprehur me fjalët: “Unë nuk dua të bëj një proçes gjyqësor me Van Basten. Mund të them vetëm se Napoli ishte qartë më superior atë vit”.
Djali i ish-legjendës është shumë aktiv në debatet e futbollit dhe shpesh herë krijon mjaft polemika në Itali me deklaratat e tij.
