Arsenali u ndal në barazim 1-1 në transfertën ndaj Burnleyt ditën e sotme dhe përveç Granit Xhakës, që ndihet fajtor për gafën e bërë, faj në këtë barazim ka edhe Nicolas Pepe.
Sulmuesi që u ble për 80 milionë euro dy vite më parë nga Lille, ka humbur një rast të pabesueshëm 10 minuta përpara fundit, teksa është gjendur i vetëm shumë pak metra larg portës, por ka gabuar.
Kieran Tirney i dhuroi një pasim perfekt, që e nxorri të lirë Pepen, por ky i fundit goditi jashtëzakonisht shumë keq, duke e shtuar akoma më shumë tërbimin e tifozëve të Arsenalit ndaj tij, por edhe të trajnerit Arteta, që nuk i besoi syve.
