Barcelona ka njoftuar ditën e sotme zyrtarisht me një komunikatë se ka bërë ndryshime në bordin drejtues. Revolucion i vërtetë në klubin katalanas, ku janë bërë shumë ndryshime në shumë departamente.
Antonio Escudero dhe Juli Guiu janë bërë zëvendës presidentë të departamentit të marketingut. Eduard Romeo është zv/presidenti i ri i departamentit ekonomik në klub, ndërsa Rafael Yuste zv/president i departamentit të sportit.
Gjithashtu, edhe zëdhënësi i shtypit është ndryshuar dhe detyrën e ka marrë Elena Fort. Ndryshimet kanë vijuar edhe në klubin e basketbollit apo hendbollit. Josep Cubells është drejtori i ri i Barcelonës së basketbollit, ndërsa Joan Sole drejtor i klubit të hendbollit.
