Juventusi nuk është nga ato klube që karakterizohet për shkarkim trajnerësh, por sivjet duke parë se po vihet në rrezik edhe kualifikimi i mundshëm në Champions dhe Andrea Anjeli vazhdon që të mos bëjë asnjë lëvizje.
Diçka e tillë ka tërbuar Xhon Elkanin, kushëriri i Andreas, i cili është presidenti i grupit “Exor”, që financon edhe Juventusin, një ndër pasuritë e shumta të Anjelëve, ka shpërthyer në një telefonatë pas barazimit në derbi. Xhon i ka kërkuar Andreas që të nisë të marrë vendime të forta, raporton gazetari i “Sportmediaset”, Paolo Barxhixha, ndryshe rrezikohet një faliment total.
“Je shumë i butë për presidencën e Juves. Është e kotë të vazhdosh me Pirlon, kur duket se gjërat kanë ngecuar. Më mirë të rinovojmë të gjithë stafin drejtues dhe eja merru me Ferrarin”, ka qenë ftesë në formë urdhri e Elkanit për Anjelin, ndonëse ky i fundit ka këmbëngulur se do ta çojë deri në fund këtë sezon, pas të cilit do të mund të marrë një vendim më të saktë mbi të ardhmen.
