Krijimi i Super Ligës Europiane ka sjellë dhe përçarje midis klubeve pjesëmarrëse dhe tifozëve të tyre, me këta të fundit të cilët janë revoltuar për vendimet e ekipeve të tyre pa marrë pëlqimin e tifozëve.
Një ndër ta janë dhe tifozët e ekipit anglez të Liverpul, të cilët kanë vendosur disa banderola jashtë stadiumit duke protestuar në mënyrë të rreptë pjesëmarrjen e Liverpulit në këtë kompeticion.
“Fansat e Liverpulit kundër Super Ligës Europiane”, “Turp për ju, u prefsh ne paqe Liverpul 1892-2021”, këto ishin disa nga mbishkrimet e fansave të kuq të vendosur në ambientet e jashtme të stadiumit të Liverpulit.
Ndërkohë thuhet se të njëjtën gjë do të bëjnë dhe fansat e Çelsit nesër në stadiumin “Stamfort Brixh”.