Futbollisti i Juventusit, Paolo Dibala ka blerë një makinë të tipit Lamborxhini Aventador Roadster e cila kap vlerën e 450 mijë dollarëve.
Ishte vet argjentinasi i cili e postoi blerjen e tij në rrjetet sociale duke shkruar “Me Aventadorin ishte dashuri me shikim të parë”. Sulmuesi argjentinas ka bërë të vetën superbishën teksa ndan pamjet e saj dhe me ndjekësit e tij në rrjetet sociale.
Si duket tek Dibala nuk ka ndikuar forma jo e mirë dhe hapësirat e pakta te skuadra e Juventusit, teksa ditën e djeshme zbuloi se nuk do të jetë i grumbulluar nga kombëtarja e Argjentinës në prag të dy sfidave kualifikuese të botërorit që amerikano-jugoret do të zhvillojnë në qershor.
