Juventus-Milan nuk do të jetë vetëm një ndeshje futbolli, vendimtare për kualifikimin në Champions League. Juventus-Milan e mbrëmjes së sotme do të luhet edhe për merkaton.
Prej disa muajsh flitet për një këmbim mes Juventus-it dhe Milan-it që ka për regjisor super menaxherin Mino Raiola. Diskutohet për të ardhmen e dy klientëve të tij: Federico Bernardeschi dhe Alessio Romagnoli.
Kontrata e sulmuesit skadon në qershorin e vitit 2022 dhe bardhezinjtë duket se nuk kanë ndërmend ta zgjasin marrëveshjen. Njëkohësisht, kapiteni i kuqezinjve nuk është më i paprekshëm dhe trajneri Pioli ka preferuar disa herë Tomori-n në këtë fund të sezonit.
Kjo situatë ka krijuar kushtet për një këmbim të mundshëm mes dy skuadrave që do t’i kënaqte të gjithë, sipas calciomercato.it.