Aleksandar Kolarov nuk do ta veshë më fanellën e Interit. Kontrata e tij nuk do të rinovohet nga zikaltrit. Mëngjesin e sotëm, serbi iu nënshtrua një operacioni për heqjen e hernies diskale të mesit në “Istituto Clinico Humanitas” të Rozzano. Ai kishte dalë “jashtë luftimi” për Conte prej disa javësh dhe problemi nuk po zgjidhej.
Ndërhyrja kirirgjikale, e kryer nga profesor Maurizio Fornari, ishte krejtësisht e suksesshme. Në ditët e ardhshme, mbrojtësi zikaltër do të fillojë procesin e rehabilitimit, ndërsa pret të gjejë një ekip të ri.