Sulmuesi i Kievos, Serxhio Pelisier, i ka dhënë lamtumirë skuadrës italiane pas 20 viteve karrierë të kaluara tek skuadra veroneze.
Nëpërmjet një postimi në faqen e tij në “Facebook”, Pelisier sqaroi se nuk ishte vendim i lehtë, por falënderoi tifozët dhe klubin për gjithçka kishin bërë për të këto vite.
Pelisier u bashkua me skuadrën në vitin 2000 duke mos u larguar më nga skuadra veroneze, edhe pse me shumë ulje dhe ngritje dhe rënie nga kategoria, 42 vjeçari ishte gjithmonë aty në ndihmë të skuadrës duke mbajtur dhe shiritin e kapitenit. Në 2019 u tërhoqe për të punuar si menaxher i skuadrës, por disa mosmarrëveshje me drejtuesit e kanë detyruar të largohet dhe nga klubi.
Pelisier gjatë 19 viteve karrierë si sulmues me Kievon arriti të shënonte 139 gola, duke u bërë problem për shumë mbrojtës në Serinë A.
