Futboll Sport

BELGJIKA MBAHET TE LUKAKU/ Danimarkës i duhet fat

Fuqia e Lukakut, për të kaluar fazën. Belgjika e Romelut, pas trisit në debutim kundër Rusisë, dëshiron të fitojë sa më shpejt biletën për fazën e ardhshme të “Euro 2020”. Në ndeshjen e fundit do të përballet ndaj Finlandës, që në debutim mposhti 1-0 Danimarkën në sfidën e karakterizuar nga trembja e madhe për formën e Eriksenit. Sfida luhet sot, me startin në orën 21:00. Në ndeshjen e dytë, Belgjika mposhti 2-1 edhe Danimarkën duke hipotekuar kualifikimin në 1/8-at e kompeticionit.

Lidhur me sfidën ka folur portieri dhe një nga kapitenët e kombëtares belge, Tibo Kurtua: “Fitorja e grupit është diçka prestigjioze. Do të përpiqemi. Faza pasardhëse mund të jetë më e vështirë nëse nuk fitohet futbolli, por në futboll mund të ketë gjithmonë surpriza. Në Botëror na u duk se vuanim më tepër ndaj Japonisë sesa Brazilit. Në të vërtetë nuk mund të llogariten këto gjëra, duhet të zbresësh gjithmonë në fushë për të fituar”.

RUSI-DANIMARKË – Për ndeshjen e tretë të fazës së grupeve të Europianit, Rusia do të përballet me Danimarkën në stadiumin “Telia Parken” të Kopenhagenit me vërshëllimën e startit në orën 21:00. Danimarka, e tronditur nga ngjarja me Eriksenin, vjen nga humbja kundër Finlandës në debutim dhe më pas nga disfata e pësuar kundër Belgjikës së Lukakut. Rusia, ashtu si danezët, duhet gjithashtu të kërkojë pikë, pasi u mposht 3-0 nga formacioni belg.

Do të jetë ajo e sotmja, një ndeshje vendimtare, në një kuptim apo tjetrin, për të dyja formacionet. Përpara startit kanë folur të dy trajnerët. “Do të bëjmë gjithçka për të fituar, – u shpreh Kasper Hjulmand, tekniku i Danimarkës. – Kundër Rusisë do të jetë tepër e vështirë, janë një skuadër e shkëlqyer. Prisni një ndeshje të bukur dhe të gjatë”. Stanislav Çerçeshov, homologu rus, komentoi: “Luajmë ndeshjen e parë pa tifozët tanë, megjithatë nuk është problem. Është një situatë që do të dimë si ta menaxhojmë. Detyra jonë është të arrijmë rezultat”.

Related posts

FTESA E PAPRITUR/ Ish-futbollisti i Barcelonës kthehet te kombëtarja e Brazilit në moshën 38-vjeçare

Delo.autor

CHAMPIONS/ “Stuhi” golash në Londër, Chelsea mban ritmin e holandezëve (VIDEO)

Delo.autor

JO VETËM KALINIC/ Refuzoi zëvendësimin, Lucas Perez tregon të vërtetën e tij

Isa.Autor

Leave a Comment