Skuadra e Laçit aktualisht është e pozicionuar në qytetin e Strugës, ku po vijon fazën përgatitore për turin e parë të Conference Ligë ku do të kenë përballë Podgoricën.
Ndërkohë përtej seriozitetit dhe përqendrimit në seancat stërvitore, lojtarët e Laçit i punojnë një rreng shokut të tyre Mentor Mazrekajt.
Renato Malota me anë të një video-je në profilin e tij në rrjetin social “Instagram” ka treguar momentin komik ku shihet në pamje Mazrekaj duke fjetur gjumë dhe e zgjojnë me një boks muzike.
Një pamje komike kjo, por është diçka pozitive kjo për Laçin pasi skuadra duket mjaft e bashkuar për objektivin e sfidave e kupave të Europës.
