Partizani ndodhet në Ohër ku po kryen dhe fazën përgatitore teksa ditën e sotme do të zhvillojë dhe një test miqësor përballë nënkampionëve të Maqedonisë së Veriut, Shkupit.
Në formacionin e publikuar nga ‘’demat e kuq’’ rezulton se pjesë e skuadrës për miqësoren e sotme do të jetë dhe mbrojtësi Niko Paterni. 25 vjeçari ka luajtur për Dinamon në sezonin e fundit dhe është futbollist me origjinë italiane.
Nuk dihet ende nëse është në prove tek skuadra e Partizanit, por emri i tij në formacionin e të kuqve i ka habitur të gjithë, ndonëse nuk ka pasur një njoftim zyrtar nga klubi kryeqytetas.
