Kroacia pësoi disfatë në sfidën e parë të Kampionatit Europian duke u mundur me rezultatin minimal 1-0 nga Anglia.
Pas ndeshjes, trajneri kroat Zlatko Daliç u shpreh se Anglia përfitoi nga gabimet e lojtarëve të tij dhe se skuadra ishte në një nivel me anglezët.
‘’Unë përgëzoj Anglinë për fitoren, por edhe lojtarët e mi. Ishte një lojë komplekse, ‘’e nxehtë’’. Duhet të shtynim më shumë para në 20 minutat e para të lojës. Për 7 ditë me radhë kemi folur për rëndësinë e të qëndruarit në pozicion, ata shfrytëzuan gabimin tone dhe gjetën golin.
Në sulm nuk treguam shumë cilësi, por po luanim kundër Anglisë, i cili është një ekip i frikshëm. Ne ishim në të njëjtin nivel me ta për shumicën e kohës. Ishte ndeshje inkurajuese për mua, do të bëjmë më mire në ndeshjen tjetër’’, e mbylli fjalën e tij Daliç.
