Kombëtarja e Slovakisë është goditur nga Covid-19 në prag të sfidës së saj me Suedinë ditën e nesërme.
Mbrojtësi Denis Vavro dhe një anëtar i stafit kanë rezultuar pozitiv në testet e bëra paraditen e sotme duke futur frikë në kombëtaren sllovake.
Lajmin e bëri të ditur trajneri i skuadrës Stefan Tarkoviç i cili u shpreh se të dy ndodhen në gjendje të mirë dhe nuk kanë asnjë simptomë.
Ndërkohë Slovakia ndodhet në një grup me Poloninë, Spanjën dhe Suedinë teksa ditën e nesërme do të luajnë pikërisht ndaj nordikëve për sfidën e dytë në grup.
