Hiqen të gjitha dyshimet, Sinisa Mihajloviç do të vazhdojë të jetë trajner i Bolonjës dhe për sezonet në vazhdim.
Dyja palët u takuan ditën e sotme dhe vendosën të vazhdojnë bashkëpunimin pavarësisht thashethemeve të fundit.
Mihajloviç u vu në qendër të merkatos të trajnerëve në Itali ku Interi dhe më pas Lacios tentuan një transferim të teknikut ballkanas.
Ish-mbrojtësi do të jetë në stolin e Bolonjës deri në vitin 2023 teksa këtë sezon bëri paraqitje mjaft të mira duke e mbyllur kampionatin në vendin e 12-të në renditje.