“Askush të mos bëjë gabim të mos besojë te kjo skuadër. Kur shkojmë në dhomë të flemë gjatë mbrëmjeve nuk ëndërrojmë që të kalojmë grupin, por ëndërrojmë trofeun, fitoren e këtij Europiani dhe fakti që jemi një skuadër e fortë e kemi detyrim të provojmë ta bëjmë realitet objektivin që kemi”.
Ishin këto fjalët e Federiko Kiezës, i cili dje luajti ndeshjen e tij të parë si titullar në këtë Europian, por në fund u zgjodh nga UEFA dhe si “Futbollisti i ndeshjes”.
“Meritoja më shumë minuta? Jo, pasi këtu nuk ka rëndësi kush luan. Ai që zbret në fushë bën diferencën gjithmonë dhe mendoj se ndeshja ndaj Uellsit ishte shembulli më i saktë. Mançini kishte bërë 8 ndryshime nga dy sfidat e kaluara dhe përfundimi ishte po i njëjti.
Trajneri ka meritën jo vetëm që na ka bërë grup, por na ka dhënë entuziazmin e duhur për të shijuar këtë ëndërr të përbashkët”, tha juventini.
