Ish-mbrojtësi i Kukësit dhe Vllaznisë, Yll Hoxha është bërë me ekip të ri, teksa është zyrtarizuar ditën e sotme te skuadra e Gjilanit. Këta të fundit, nëpërmjet një komunikate, bëjnë me dije se kanë firmosur me mbrojtësin.
Hoxha ishte pjesë e Feronikelit në 4 sezonet e fundit, teksa njoftoi largimin pas përfundimit të kampionatit, ndërkohë që tashmë do të vazhdojë karrierën te Gjilani në Kosovë. Munishi e pëlqen si lojtar 33-vjeçarin dhe për këtë arsye, i ka kërkuar drejtuesve të firmosë kontratën.
Kujtojmë se mbrojtësi ka luajtur në Superiore nga viti 2012 deri në 2016, ku u aktivizua me Flamurtarin, Vllazninë dhe Kukësin.
